Bas prokuraturada jınayatshılıq hám huqıqbuzarlıqlardıń aldın adın ilajlarına baǵıshlanǵan respublikalıq uyımlararalıq májilis bolıp ótti.

Videoselektor túrinde ótkerilgen usı májiliste Parlament hám Húkimet aǵzaları tarawǵa juwapker ministrlik hám uyımlar, mámleketlik emes kommerciyalıq emes shólkemlerdiń basshıları hám juwapker xızmetkerler, wálayat, rayon, qala hákimleri, Respublikalıq hám aymaqlıq uyımlaralıq muwapıqlastırıwshı shtab hám jumısshı topar aǵzaları qatnastı.
Bas prokuror N.Ywldoshev basqarǵan májiliste mámleketimiz basshısınıń 2025-jıl 3-yanvardaǵı «2025-jılı respublikanıń máhállelerinde qáwipsiz ortalıqtı jaratıw hám huqıqbuzarlıqlardıń waqtında aldın alıw sistemasınıń nátiyjeliligin jáne de arttırıw ilajları haqqında»ǵı qarardıń orınlanıwı, jol qoyılǵan qáte-kemshilikler kórip shıǵıldı.
Sonday-aq, Korrupciyaǵa qarsı gúresiw milliy keńesi májilisinde mámleketimiz basshısı tárepinen berilgen tapsırmalardıń orınlanıwın shólkemlestiriw máseleleri dodalandı.
Sın kózqarasta ótkerilgen májiliste jınayatshılıq hám huqıqbuzarlıqlardıń aldın alıwda jol qoyılǵan qáte-kemshilikler anıq sanlar hám mısallarda kórsetip ótilip, gezektegi wazıypalar belgilendi.
Sonıń ishinde, úlgili qáwipsiz jol hám kóshelerdi qurıw, máhállelerdi tolıq videobaqlaw menen qamtıp alıw, xalıqtıń huqıqıy sanasın arttırıw, «máhálle jetiligi» tárepinen «jámiyetlik profilaktika» principi tiykarında jumıstı jánede jedellestiriw, hár bir «qızıl» hám «sarı» kategoriyalı máhálleler boyınsha mánzilli ilajlar islep shıǵıw boyınsha juwapkerlerge anıq tapsırmalar berildi.
Ilaj dawamında aymaqlar hám ministrlik hám uyımlardıń basshıları , juwapker xızmetkerlerdiń túsindiriw hám málimlemeleri tıńlandı.
Májilis juwmaǵında orın alǵan kemshiliklerdi saplastırıw hám dodalanǵan tarawlarda jumıstıń nátiyjeliligin arttırıwǵa qaratılǵan qarar qabıl etildi.

N.Abduraimova, ÓzA