Ózbekstan Respublikası Ishki isler ministrliginde mámleketimizde jınayatshılıqqa qarsı gúresiw, kriminogenlik jaǵdaydı turaqlastırıw hám shaxsqa baylanıslı maǵlıwmatlardı qorǵaw máselelerin jetilistiriwge qaratılǵan wazıypalardıń orınlanıwı boyınsha jedel májilis ótkerildi.

Ilajda Prezident administraciyasınıń juwapkerleri, Ishki isler ministrligi hám tarawlıq xızmetlerdiń basshıları, Qaraqalpaqstan Respublikası, Tashkent qalası hám wálayatlar prokurorları hám Ishki isler uyımlarınıń baslıqları qatnastı.
Májiliste jınayatshılıqqa qarsı gúresiw, jámiyetlik qáwipsizlikti támiiynlew hám huqıqbuzarlıqlardıń waqtında aldın alıwǵa qaratılǵan wazıypalardıń orınlanıwı, kadrlar menen islesiw hám xızmet normativi hám nızamlılıqtı támiyinlew baǵdarlarında ámelge asırılǵan jumıslar sın kózqarasta kórip shıǵılıp, anıqlanbaǵan mashqalalardı saplastırıw boyınsha anıq wazıypalar belgilendi.
Májiliste shólkemlestiriw máseleleri kórildi. Ózbekstan Respublikası Prezidentiniń tiyisli qararı menen Ándijan wálayatı IIM baslıǵı lawazımın iyelep kelgen polkovnik Ayubxon Rahmatullaev Ózbekstan Respublikası Ishki isler ministriniń birinshi orınbasarı lawazımına tayınlandı.
Ilajda, sonday-aq, shaxsqa baylanıslı maǵlıwmatlar haqqındaǵı nızamshılıq talaplarınan kelip shıǵıp, olardı qorǵaw baǵdarların jetilistiriw máselelerine itibar qaratıldı. Ózbekstan Respublikası Prezidentiniń tiyisli biyligi menen Ishki isler ministrligi janındaǵı Migraciya hám personallastırıw departamenetiniń basshısı lawazımına polkovnik Ulıǵbek Toshhwjaev tayınlandı.
Kún tártibindegi máseleler boyınsha taraw juwapkerleriniń usınıs hám pikirleri tıńlanıp, jańa tayınlanǵan basshılarǵa tiyisli tapsırmalar berildi.

N.Abduraimova, ÓzA