Prezidentimizdiń baslaması menen mámleketimizde ishki turizmdi rawajlandırıwǵa qaratılıp atırǵan itibardıń nátiyjesinde puqaralar elimizdiń tariyxıy, mádeniy hám dıqqatqa ılayıq orınları menen jaqınnan tanısıw imkaniyatına iye bolmaqta.

Qaraqalpaqstan Respublikası Densawlıqtı saqlaw ministrligi tárepinen baslanǵısh buwında jumıs islep atırǵan IT operator miyirbiykelerdiń Xiywa qalasına sayaxatı shólkemlestirildi.
– Bunnan gózlengen maqset medicinalıq turizmdi rawajlandırıw menen birge, medicina xızmetkerleriniń dem alıs kúnlerin mazmunlı ótkeriwden ibarat,-deydi ministrdiń orınbasarı Timur Sarbaev.
Miyirbiykelerdiń kópshiligi sayaxatqa shıqqanınan oǵada quwanıshlı. Olar sayaxat dawamında Xiywa qalasınıń tariyxıy esteliklerin tamashalap, milliy lipasları, qádiriyatları hám úrp-ádetleri haqqında maǵlıwmatlarǵa iye boldı.
Sayaxatshılar Xiywa qalasınıń dıqqatqa ılayıq orınların, kóp jıllıq tariyxın ózinde sáwlelendiriwshi arxitekturalıq obyektleri hám áyyemgi esteliklerin jaqınnan kóriw múmkinshiligine iye boldı.

Qaraqalpaqstan xabar agentligi.