Berdaq atındaǵı Qaraqalpaq mámleketlik universitetinde “Jasıl mákan” ulıwma milliy joybarı sheńberinde ámelge asırılıwı tiyis bolǵan báhárgi keń kólemli ilajlarǵa start berildi.

Ilajda universitet rektorı A.Reymov usı baslama sheńberinde universitet jámáátiniń hám student-jaslarınıń qorshaǵan ortalıqtı abadanlastırıw, ekologiyalıq jaǵdaydı jaqsılaw maqsetinde birlesiwiniń áhmiyeti oǵada úlken ekenin atap ótti.
Rektor basshılıǵında ilaj qatnasıwshıları jaqsı niyetler menen terek nállerin egip, abadanlastırıw jumısları alıp barıldı.
“Jasıl mákan” joybarı pútkil mámleket boylap ámelge asırılıp atırǵan áhmiyetli baslamalardan biri bolıp, onıń tiykarǵı maqseti qorshaǵan ortalıqtı qorǵaw, jasıl maydanlardı keńeytiw hám ekologiyalıq mádeniyattı arttırıw bolıp esaplanadı.
Ilaj dawamında universitet jámááti tárepinen hár qıylı sayamanlı hám miyweli terek nálleri egilip, qatnasıwshılar óz tájiriybeleri menen ortaqlastı hám ekologiyalıq ortalıqtı jaqsılaw boyınsha pikir alıstı.

Qaraqalpaqstan xabar agentligi