Berdaq atındaǵı Qaraqalpaq mámleketlik universitetinde “Rektor kubogi” olimpiadasınıń jeńimpazların sıylıqlaw máresimi ótkerildi.

Usı jıldıń 6-mart kúni universitette “8-mart – Xalıqaralıq hayal-qızlar kúni” múnásibeti menen Qaraqalpaqstan Respublikasındaǵı joqarı oqıw orınlarınıń qábiletli student qızları arasında matematika páninen “Rektor kubogi” olimpiadası shólkemlestirilgen edi.
Usı olimpiadada jeńimpazlıqtı qolǵa kirgizgen student qızlardı sıylıqlaw máresiminde universitet rektorı, akademik A.Reymov shıǵıp sóylep, jeńimpazlardı qızǵın qutlıqlap, keleshektegi ilimiy jumıslarında hám oqıwlarında tabıslar tiledi. Sonday-aq, jeńimpazlarǵa diplom hám estelik sawǵaların tapsırdı.
Bul olimpiada qábiletli student qızlardı qollap-quwatlaw, olardıń ilimiy potencialın arttırıw hám matematika pánine bolǵan qızıǵıwshılıǵın jáne de kúsheytiw maqsetinde shólkemlestirilgen bolıp, keleshekte dástúriy túrde ótkeriliwi rejelestirilip alındı.

Qaraqalpaqstan xabar agentligi.