Bryusselde Túrkiy mámleketler shólkemi, Vengriya eksporttı qollap-quwatlaw agentligi (HEPA) hám Qurǵaqshılıqtıń aldın alıw institutı menen birgelikte TMSh suw forumı shólkemlestirildi.

«AzerTAJ» dıń xabarına qaraǵanda, ánjumanda Belgiya Patshalıǵında akkreditaciyadan ótken TMShǵa aǵza mámleketler diplomatiyalıq wákilxanalarınıń basshıları, joqarı mártebeli hámeldarlar, ekspertler, sonday-aq, túrkiy hám basqa da mámleketlerde suw resursların basqarıwǵa baylanıslı áhmiyetli mashqalalardı sheshiw hám tarawdıń turaqlılıǵın támiyinlewden mápdar tárepler qatnastı.
Ilajda kún tártibinen orın alǵan regionallıq birge islesiwdi rawajlandırıw, turaqlı suw texnologiyaların alǵa qoyıw hám jasıl rawajlanıw ushın investiciyalıq imkaniyattı úyreniw máseleleri dodalandı.

Qaraqalpaqstan xabar agentligi