Bizge belgili, mámleketlik joqarı hám professional bilimlendiriw mákemelerine qabıl etiw boyınsha imtixanlardı «aldın test, soń tańlaw» principine muwapıq bir waqıtta ótkeriw jolǵa qoyıldı.

Onda abiturientlerdi dizimge alıw 2 bólimge bólinip, 1-basqıshta tek test tapsırıw ushın kerekli maǵlıwmatlar tolıqtırıladı hám abiturient test sınaǵında qatnasıp, toplanǵan balın bilgennen soń, óz biliminen kelip shıqqan halda ózine say joqarı bilimlendiriw mákemesi hám bilimlendiriw baǵdarın tańlaw imkaniyatına iye boladı. Nátiyjede joqarı bilimlendiriw mákemelerine jáne de bilimlirek abiturientler tańlap alınadı.
Bilim hám mamanlıqtı bahalaw agentligi tárepinen 2024-jıl dawamında 50 den aslam túrdegi test sınaqları shólkemlestirilip, onda 1,5 millionnan aslam talabannıń bilimi sınaqtan ótkerildi. Respublika boyınsha ulıwma 805 mıń 688 abiturient dizimnen ótkerildi. Abiturientlerdiń 410 mıń 415 i bıyılǵı jıldıń pitkeriwshileri, 395 mıń 273 i aldınǵı jıllardaǵı pikteriwshiler bolıp, olardıń 422 mıń 399 i hayal-qızlar, 383mıń 289 i erlerdi quradı.
Bilim hám mamanlıqlardı bahalaw agentligi direktorınıń másláhátshisi Javlonbek Nurmatovtıń maǵlıwmatlarına bola, qala qurılısı hám turaq jay kommunallıq xojalıǵı tarawlarınıń qánigelerin sertifikatlaw hám joqarı bilimlendiriw mákemeleriniń birgeliktegi bilimlendiriw baǵdarlamaların qabıl etiwde 2-basqısh shet tili imtixanların qaǵaz túrinen kompyuterde elektron túrde ótkeriw jolǵa qoyıldı. 9 ulıwma bilimlendiriw sabaǵı boyınsha milliy sertifikat imtixanlarında qatnasqan talabanlardıń sanı 136 mıń 56 ǵa jetti.
Atap ótiliwinshe, 15 ulıwma bilimlendiriw sabaǵınan 103 mıń 146, 110 arnawlı sabaqtan 34 mıń 226 hám milliy sertifikat beriw ushın 9 ulıwma bilimlendiriw sabaǵınan 1 mıń 485 test taspırıwı qáliplestirildi hám ekspertizadan ótkerildi.
Basshı kadrlar hám juwapker lawazımlarǵa tayınlanatuǵın shaxslardıń mámleketlik tildi biliw dárejesin anıqlaw boyınsha 1 mıń 29 talaban ushın test sınaqları shólkemlestirildi.

Muhayyo Toshqoroeva, ÓzA