Еnergetika ministrliginiń málimleme xızmetiniń bildiriwinshe, búgin saat 9.00 den baslap elimiz boylap metan zapravkalardıń jumısı basqıshpa-basqısh qayta tiklenedi.

Mart ayınıń baslarında hawa temperaturasınıń keskin tómenlewi sebepli tábiyǵıy gazden paydalanıw artıp, qubırlarda basım tómenledi. Sol sebepli, xalıqtı hám sociallıq taraw obyektlerin tábiyǵıy gaz benen támiyinlewge tiykarǵı itibar qaratıldı. Metan zapravkalarınıń jumısı waqıtsha toqtatıldı.
Kórilgen operativ ilajlardıń nátiyjesinde gaz qubırlarında basım turaqlastı.
Endi barlıq aymaqlarda metan zapravkalardıń jumısı qayta jolǵa qoyıladı.

Qaraqalpaqstan xabar agentligi