Báhár máwsimi kirip keliwi menen elimizde bayramlar baslanıp, orınlarda hár qıylı bayram ilajları ótkerilmekte.

Ózbekstanda kásiplik awqamları háreketiniń 120 jıllıǵı menen Tashkent qalasında bolıp ótken «Zamanagóy kásiplik awqamı háreketinde hayal-qızlardıń roli» atamasında Tashkent qalasında ilaj bolıp ótti. Onda kásiplik awqamlarınıń atqaratuǵın roli, xızmetkerlerge jaratılıp atırǵan imkaniyatlar haqqında sóz etilip, tarawda hayal-qızlardıń tutqan ornı hám xızmetleri haqqında sóz etildi. Ilaj sheńberinde tańlaw shólkemlestirilip, onda qatnasqan hayal-qızlar hár qıylı nominaciyalar menen sıylıqlandı. Onda kásiplik awqamı Taqıyatas rayonlıq keńesi baslıǵı Sayora Bekimbetova da belsene qatnasıp, ekinshi orındı iyelep, «Zamanagóy hayal» nominaciyasın alıwǵa miyasar boldı.
-Tarawlarda miynet etip atırǵan xızmetkerlerdiń sociallıq, ekonomikalıq hám huqıqıy jaqtan isenimli qorǵaw sheńberindegi keysler hám sorawlarǵa juwap beriw, mashqalalı jaǵdaylardıń sheshimin tabıw, «Milliy qádiriyatlarımız-kásiplik awqamınıń názerinde» temasında shıǵıp sóylewler tańlawdıń tiykarǵı shárti boldı. Men milliy qádiriyatlarımız tiykarında alıp barılıp atırǵan jumıslarımız haqqında sóz etip, basqa da shártlerde óz belsendiligimdi kórsetiwge háreket ettim,-deydi S.Bekimbetova.

Qaraqalpaqstan xabar agentligi