Shveycariyada Ózbekstan Respublikasınıń BMSh bólimi hám Jenevadaǵı basqa xalıqaralıq shólkemler janındaǵı turaqlı wákili Еldiyor Toshmatov hám Parlamentleraralıq awqam Bas xatkeri Martin Chungong arasında ushırasıw bolıp ótti.

5-9-aprel kúnleri Tashkentte bolıp ótetuǵın Parlamentleraralıq awqamnıń 150-yubiley Assambleyasına tayarlıq procesi dodalanǵan sóylesiw dawamında tárepler tiykarǵı itibar shólkemlestiriw máseeleleri, atap aytqanda ilaj baǵdarlaması hám jumısshı uyımlar májilisleriniń kún tártibine qaratıldı.
Bas xatkerdiń atap ótkenindey, bul abıraylı ánjuman bas tema – «Parlament háreketi sociallıq rawajlanıw hám ádillik ushın» kózqarasınan ayrıqsha áhmiyetke iye.
Sonday-aq, mártebeli basshı Ózbekstan parlamenti tárepinen ámelge asırılıp atırǵan keń kólemli jumıslardı joqarı bahalap, máselelerdi operativ sheshiwge ámeliy qatnas jasaǵanı ushın minnetdarshılıq bildirdi.

ÓzA