Kadrlardı oqıtıw, tárbiyalaw hám turaq jayǵa qoyıwda Mámleketlik xızmetti rawajlandırıw agentligi hám Mámleketlik basqarıw akademiyasınıń jetekshi sıpatındaǵı roli sezilmey atırǵanı atap ótildi.

Kadrlardı bahalawda eski úlgidegi «obyektivka»dan waz keship, aldınǵı IT texnologiyalar tiykarında xızmetkerdiń mamanlıǵı hám potencialı, erisken nátiyjelerin bahalaytuǵın sistemaǵa ótiletuǵını belgilendi.
Lawazımǵa qoyıwda xızmetkerdiń qaysı joqarı oqıw orınların pitkergeni yamasa qay jerde islegeni emes, qanday bilim-tájiriybege iye ekenligi hám kórsetken nátiyjeleri tiykarǵı norma boladı. Bul baǵdarda talabannıń kemshilikleri menen jaqsı táreplerin de hadal aytıw kerek.
Bunnan bılay máhállede adamlar menen islegen, olardıń mashqalasın óz kózi menen kórip, sheshken jaslar arasınan basshı kadrlar tańlap alınıwı kerek ekenligi atap ótildi.
Jumısqa qabıl etiwdi ashıq-aydın ótkeriw, mámleketlik xızmetkerlerdiń reestrin belgilew, kadrlardıń korrupciyaǵa beyimligin úyreniw boyınsha párman joybarın kirgiziw tapsırıldı.

Qaraqalpaqstan xabar agentligi