Parlamenttegi juwapker komitetler máhállelerge shekem túsip, hár bir jınayattıń kelip shıǵıw sebebin hám faktorların anıqlap, rayon, wálayat prokurorları hám ishki isler baslıqlarınıń aldına anıq wazıypa qoysa, bul baǵdarda jaqsı tájiriybe bolatuǵını atap ótildi.
Bas prokuror hám ishki isler ministrine hár sherekte Milliy keńestiń aldında, rayon prokurorları hám ishki isler baslıqları bolsa hár ayda aymaqlıq keńeslerge esap beredi hám jámiyetshilikke múrájat penen shıǵadı.
«Múrájat degende, ulıwma gápler kerek emes. Bunda hár bir taraw hám jınayatshılıq túri boyınsha aldın alıw, faktorlardı saplastırıw boyınsha anıq islenetuǵın jumıslardı aytıw kerek», – dedi Prezident.
Milliy keńes hár ayda rayon hám qalaǵa túsip, óz májilisin tikkeley ishki isler bólimlerinde ótkeriwi maqsetke muwapıq ekeni atap ótildi.

Qaraqalpaqstan xabar agentligi