«102» xızmeti arqalı kelip túsken jınayat haqqındaǵı xabarlardı avtomat túrde dizimge alıw, yaǵnıy, hár bir múrájattıń «sanlı izi» qalatuǵın sistema jaratılǵanı óz nátiyjesin berdi.

Biraq, ayırım rayon hám qalalıq ishki isler basshıları statistikanı jaqsılaw ushın jınayattı jasırıp atırǵanı, dizimge alıwdı oylap sozıp júrgeni atap ótildi.
Jańa ishki isler ministrine hár bir máhálledegi profilaktika orayların baqlaw kamerası hám hár bir inspektordı «bodi kamera» menen támiyinlep, huqıqbuzarlıqlardı dizimge alıw boyınsha jańa platformanı iske qosıw tapsırıldı.
Jınayatlardı esapqa alıw sistemasın tolıq sanlastırıw wazıypası qoyıldı.
Prokurorlar tergew ústinen qadaǵalawdı tómenletip jibergeni kórsetip ótildi. Sonıń ushın, sudlar tárepinen 637 jınayat isi kemshilikleri ushın tergewge qaytarılǵan.
Bas prokuratura tergewdiń sapasın arttırıw hám jınayatshılıqtıń aldın alıw boyınsha jáne de qattı islewi kerek ekenligi atap ótildi.
Bas prokuratura da, ishki isler ministrligi de oyanıwı, jańasha islep, bir-birin tıyıp turıwı kerek ekenligi kórsetip ótildi.

ÓzA