Mısalı, infrastrukturaǵa baylanısıw, licenziya alıw, jeńillikli kredit ajıratıw, jumısqa qabıllaw, mamanlıqtı arttırıw baǵdarlarında korrupciya faktorları kóp.

Tergewshi, prokuror hám sudyalar qolındaǵı jumıs boyınsha uyımlarǵa usınısnama hám ajırım kirgiziwden arǵı jaǵına ótpey atırǵanı, olardıń dodalanıwı da, juwabı da jalǵan ekenin kórsetip ótti.
Wálayat hákimleri basshı bolǵan korrupciyaǵa qarsı gúresiw aymaqlıq keńesleriniń jumısı da oǵada tómenlep ketkeni, jumısı rayon, máhálle menen baylanıspaǵanı ushın nátiyje joq ekenligin atap ótti. Parlamenttiń juwapker komitetleriniń de ornı sezilmey atırǵanlıǵı aytıldı.
Korrupciyaǵa qarsı gúresiw aymaqlıq keńesleri quramın tolıq jańalaw, olarǵa baslıq etip wálayat xalıq deputatları wálayat keńesi baslıqların tayınlaw usınıs etildi.
Aymaqlıq keńesler adamǵa shekem túsip, korrupciyalıq faktorlardı anıqlawı, olardı saplastırıw ushın qaysı nızamdı ózgertiw kerek, degen sorawlarǵa juwap tabıwı kerek ekenligin atap ótti.
Keńesler hár sherekte keminde birewden tarawda korrupciyalıq faktorlardı saplastırıw, nızam ústinligi, jaza bar ekenligin támiyinlew boyınsha Milliy keńeske usınıs kirgizedi.