Ministrliklerdiń aymaqlıq komplaens xızmetkerlerin tikkeley ministrdiń ózi jumısqa qoyıwı, ózine siyasiy juwapkershilik alıp, pútkil sistemadaǵı korrupciya ushın jeke juwap beretuǵını belgilendi.

Agentliktiń jumıs usılı ulıwma ózgeredi. Onıń ushın tájiriybe túrinde 5 uyım: Densawlıqtı saqlaw, Qurılıs, Suw xojalıǵı ministrlikleri, «Ózbekneftgaz» hám «Ózsuwtámiynat»tiń komplaens qadaǵalawı agentlikke ótkeriledi.
Jıldıń juwmaǵı menen bul ministrliklerde qansha korrupciyalıq faktorlardı saplastırǵanı, adamlarǵa qanday jeńillikler bolǵanı haqqında Milliy keńeste esabat beredi.
Sonday-aq, agentlik ministr, hákimler menen birgelikte hár sherekte korrupciya joqarı bolǵan keminde 3 tarawda rayonǵa shekem túsip, turmıslıq hám sistemalı korrupciya faktorların tereń úyrenedi, tallawlar tiykarında qaysı processti sanlastırıw, qaysı byurokratiyalıq tártipti biykarlaw boyınsha anıq ilajlardı islep shıǵadı.
Eki ayda xalıqaralıq reyting shólkemleriniń usınısı tiykarında «jol karta»sı islep shıǵılıp, hár bir ministrlik hám uyımǵa islenetuǵın jumıslar anıq belgilep beriledi. Itibarsızlıqqa jol qoyǵan basshılardı jazalaw boyınsha usınıs kirgiziledi.

Qaraqalpaqstan xabar agentligi