Mámleketlik satıp alıwlar boyınsha nızam qabıl etilgeni, tańlaw hám tender sanlasıp, salamat báseki bolǵanı ushın ótken jılı 14 trillion sum byudjet qarjısı únemlendi.

Adamlar kredit alıw ushın kóplegen tosqınlıqlardı jeńip ótiwi kerek edi. Házirgi kúnge kelip barlıq bankler 100 million sumǵa shekemgi turmıslıq kreditlerdi insan faktorısız 5 minut ishinde onlayn bermekte.
Nátiyjede aldın bul jumıs penen shuǵıllanǵan mıńlaǵan bankirler endi máhállege túsip, adamlarǵa joybar, kredit usınıs etip, qarıydardı kóbeytiw ústinde islemekte.
Adamlar balasın mektep yamasa baqshaǵa jaylastırıwda sergizden bolǵan, jumısın «basqa jollar» menen sheshiwge tuwra kelgen edi. Ótken dáwirde mektepke shekemgi hám mektep bilimlendiriwi sistemasında 10 nan artıq xızmet túrleri tolıq elektron túrge ótkerildi. Bul tarawda múrájatlar sanı 2,5 esege azaydı.
Bunnan 7-8 jıl aldın joqarı oqıw orınlarına oqıwǵa kiriwde «tanıs-bilisshilik» háwij alǵan edi. Taraw sanlastı, imtixanlar onlayn translyaciya bolmaqta. Aldın test tapsırıp, toplaǵan ballına qarap, keyin joqarı oqıw ornın tańlaw sisteması engizildi.
Joqarı bilimlendiriwde 35 túrdegi hújjetlerdi insan faktorısız alıwǵa ótilgeni ushın tarawdaǵı múrájatlar 2,2 esege azaydı.

ÓzA