Korrupciyanı tamırı menen joq etiw ushın bárinen burın insan faktorı hám qaǵazpazlıqtı azaytıwǵa ayrıqsha itibar qaratılmaqta.

Máselen, xalıqqa jer beriw procesinde puqaraları hákim hám oǵan jaqın uyımlar arasında áwere bolıp júretuǵın edi. Ulıwma, bul taraw korrupciya «oshaǵı»na aylanǵan edi.
Jerdi hákimniń qararı menen ajıratıwdan tolıq waz keshilip, aukcion sistemasına ótilgeni nátiyjesinde bul sistema xalıqshıl boldı.
Qurılıs tarawı eń korrupciyalasqan tarawlardan biri edi. «Ashıq-aydın qurılıs» baǵdarlaması engizilgennen keyin bul baǵdarda da unamlı ózgerisler sezilmekte.
Burın investiciya baǵdarlamasına kirgen obyektlerdi quratuǵın jumıstı bólip alıp islewshiler mıńǵa da jetpeytuǵın edi. Ótken jılı 13,5 mıń obyekttiń qurılısında 4 mıńnan aslam jumıstı bólip alıp islewshi qatnastı. Tarawdıń sanlastırılǵanınıń esabınan ótken 4 jılda 3,6 trillion sum byudjet qarjısı únemlendi.
Biraq qurılısqa ruqsat beriw, imarattı tapsırıwda órt qáwipsizligi boyınsha byurokratiya hám nızam buzılıw kóbeyip ketkeni ushın ótken háptede ayrıqsha jaǵdaylar ministri hám onıń orınbasarları jumıstan alındı.

Qaraqalpaqstan xabar agentligi