Prezident Shavkat Mirziyoevtiń basshılıǵında korrupciyanıń aldın alıw boyınsha jumıslardıń nátiyjeliligi hám keleshektegi tiykarǵı wazıypalarǵa baǵıshlanǵan keńeytilgen májilis baslandı.

Mámleketimiz basshısı sóziniń basında reformalar sheshiwshi basqıshqa kirip atırǵan házirgi waqıtta elimizde korrupciyadan jıraq ortalıq jaratıw boyınsha jumıslarǵa baha berip, keleshektegi wazıypalardı anıq belgilep alıw zárúr ekenligin atap ótti.
– Reformalar jolındaǵı eń úlken tosqınlıq – bul korrupciya bolıp esaplanadı. Onı dúnya tájiriybesi de tolıq tastıyıqlaydı. Korrupciya aqıbetinde dúnya ekonomikası jılına 3 trillion dollar zıyan kórip atırǵanı bul global qáwip ekeninen derek beredi.
Korrupciya sonday jawız illet, ol xalıqtıń mámleketke, Konstituciya hám nızamlarǵa isenimine zıyan jetkeredi, turaqlı rawajlanıw hám qáwipsizlik ushın úlken qáwipke aylanadı, – dedi Prezident.

ÓzA