Salıq komiteti baspasóz xızmetiniń málim etiwinshe, Ózbekstan nızamshılıǵı talaplarına muwapıq 20-marttan baslap Qıtaydıń Temu platformasınan paydalanıw belgilengen tártipte sheklenedi.

«Еlektron kommerciya operatorları, atap aytqanda, elektron sawda platformaları operatorları sıpatında tek ǵana yuridikalıq shaxslar – Ózbekstan Respublikası rezidentleri jumıs alıp barıwı múmkin ekeni belgilengen. Elimizde puqaralarǵa xızmet kórsetetuǵın sırt el elektron platformalarınıń jumısın úyreniw procesinde ayırım elektron sawda platformaları tárepinen Ózbekstan Respublikasınıń elektron kommerciya, usaqlap satıw, reklama, jeke maǵlıwmatlardı qorǵaw, avtorlıq huqıqı hám basqa da túrles huqıqlar tarawındaǵı nızam hújjetleri talaplarına ámel etilmey atırǵanı anıqlandı.
Joqarıdaǵılardan kelip shıǵıp, Ózbekstan Respublikası nızamshılıǵı talaplarına muwapıq, 2025-jıl 20-marttan baslap sırt el elektron sawda platformalarınan, atap aytqanda, “TEMU” platformasınan paydalanıw belgilengen tártipte sheklenedi. Túsinbewshiliklerdiń aldın alıw maqsetinde, watanlaslarımızdan búgingi kúnnen baslap “TEMU” platformasında buyırtpa bermewin soraymız», delingen xabarda.
Eger buyırtpa aldın ámelge asırılǵan bolsa, platformada tólemdi qaytarıwdı shólkemlestiriw usınıs etiledi.

Sh.Mamaturopova, ÓzA