Búgin Nókis qalası orayındaǵı Ózbekstan hám Qaraqalpaqstan Respublikalarınıń mámleketlik bayraqları jaylasqan maydanda múddetli áskeriy xızmetke shaqırılıwshılardı shıǵarıp salıwǵa arnalǵan saltanatlı máresim bolıp ótti.
Ilajda Qaraqalpaqstan Respublikası Joqarǵı Keńesiniń Baslıǵı A.Orınbaev shıǵıp sóylep, bir qatar jaslardıń múddetli áskeriy xızmetti ótewge múnásip dep tabılıp, ana Watan aldındaǵı perzentlik parızın atqarıw ushın atlanǵanı múnásibeti menen qutlıqladı.
Atap ótilgenindey, Watanımızdıń tınıshlıǵı, shegaralarınıń qol qatılmaslıǵı usınday er-azamatlarımızdıń qolında.
Ótkerilgen ilajda áskeriy orkestr namaları astında Watandı qorǵawǵa atlanǵan jaslarǵa keń jámiyetshilik wákilleri, olardıń ata-anaları hám tuwǵan tuwısqanları da haq jol tilep, mártler qatarına shıǵarıp salındı.

Qaraqalpaqstan xabar agentligi.