Háptesine 5 kún isleytuǵın ózbekstanlılar Nawrız bayramı múnásibeti menen izbe-iz 3 kún – 21, 22 hám 23 mart kúnleri dem aladı. 6 kún isleytuǵınlar bolsa 22-mart kúni isleydi.

Háptesine 5 kún isleytuǵın ózbekstanlılar Nawrız bayramı múnásibeti menen izbe-iz 3 kún dem aladı. Bul Kámbaǵallıq hám bántlik ministrligi tárepinen tastıyıqlanǵan 2025-jılǵı jumıs waqtı kalendarında názerde tutılǵan.
Miynet kodeksiniń 208-statyasına tiykarlanıp dem alıs kúni islenbeytuǵın bayram kúnine tuwra kelgen jaǵdayda, dem alıs kúni bayramnan keyingi jumıs kúnine kóshiriledi.
Demek, háptesine 5 kún isleytuǵınlar 3 kún dem aladı:
21-mart, juma – Nawrız bayramı;
22-mart, shembi – 5 kúnlik jumıs háptesinde isleytuǵınlar ushın dem alıs kúni, 6 kúnlik jumıs háptesinde isleytuǵınlar ushın jumıs kúni;
23-mart, ekshembi – dem alıs kúni.
Háptesine 6 kún isleytuǵınlar ushın tek juma hám ekshembi dem alıs kúni boladı, 22-mart, shembi jumıs kúni esaplanadı.
Esletip ótemiz, háptesine 5 kún isleytuǵınlar 8-mart – Hayal-qızlar bayramı múnásibeti menen izbe-iz 3 kún – 8, 9 hám 10-mart kúnlerinde dem aladı. 6 kún isleytuǵınlar bolsa 10-mart kúni jumısqa shıǵadı.

Qaraqalpaqstan xabar agentligi