2-mart kúni Tájikstanda bolıp ótken parlament tómengi palatasına saylawda 71,3 procent dawıs jıynaǵan húkimdar Xalıq demokratiyalıq partiyası jeńiske eristi.

Oraylıq saylaw komissiyasınıń basshısı Baxtiyor Xudoyorzoda jurnalistler menen ushırasıwda málim etiwinshe, XDP wákilleri 49 deputatlıq orındı qolǵa kirgizgen: 12 si partiyalıq dizim, 47 si bir mantdatlı saylaw okrugi boyınsha.
Sonday-aq, agrarshılar – 5, Еkonomist-reformatorlar – 3, Socialistlik hám Demokratiyalıq partiya birewden orınǵa iye boldı.
4712967 saylawshı dawıs bergen saylaw dawamında hesh qanday nızambuzılıw jaǵdayı anıqlanbaǵanı da atap ótildi.
– 887 saylaw uchastkasında boldıq, – dedi ǴMDA baqlawshıları missiyasınıń basshısı Leonid Alfimov jurnalistlerge. – Missiya saylaw nátiyjesine tásir etiwi múmkin bolǵan nızambuzılıw jaǵdayın dizimge almadı. OSKǵa saylaw procesi boyınsha hesh qanday shaǵım kelip túspedi. Tájikstan parlamenti tómengi palatasına saylaw Doslıq awqamı mámleketlerinde qabıl etilgen demokratiyalıq norma hám standartqa muwapıq erkin, ashıq-aydın, alternativ tiykarda ótti.
Esletip ótemiz, missiya quramında ǴMDAnıń barlıq mámleketlerinen 157 adam bar edi.

Qaraqalpaqstan xabar agentligi