2025-jıl 28-fevraldaǵı nızam (ÓRN-1041-sanlı) menen ayırım nızam hújjetlerine qosımshalar hám ózgerisler kirgizildi.

Nızam menen «Qalalıq jolawshılar transportınan biypul paydalanıwdı tártipke salıw haqında»ǵı hám «Qan hám onıń quram bólekleri donorlıǵı haqında»ǵı Ózbekstan Respublikası nızamlarına tiyisli túrde «Ózbekstan Respublikası húrmetli donorı» kókirek belgisi menen sıylıqlanǵan adamlar ushın bir mártelik beriletuǵın aqshalay sıylıq muǵdarı kóbeytiliwin názerde tutatuǵın qosımshalar hám ózgerisler kirgizilmekte
Onda bul kókirek belgisi menen sıylıqlanatuǵınlar BEMniń 15 esesi (5 million 625 mıń sum) muǵdarında bir mártelik beriletuǵın aqshalay sıylıqtı alatuǵını belgilendi.
Burın, BEMniń 5 esesi edi. Sonday-aq, qalalıq jolawshılar trasportınan (buǵan jónelisli hám jónelissiz taksiler kirmeydi) biypul paydalanıw, ózleri ushın qolaylı bolǵan waqıtta hár jılǵı miynet dem alısına shıǵıw hám sanatoriya-kurortlarda emleniw ushın jollamalardı gezeksiz alıw huqıqı berilmekte.

Qaraqalpaqstan xabar agentligi