Bıyıl 28-fevral kúni «Еkonomikada básekini rawajlandırıw hám jeke sektordıń rolin jáne de arttırıw ilajları haqqında»ǵı Prezident pármanı qabıl etildi.

Pármanǵa muwapıq, múlkshilik túrine qaramastan bir yamasa bir neshe xojalıq júrgizetuǵın subyektler hám mámleketlik shólkemlerge belgili tovarlardı islep shıǵarıw ( xızmetler kórsetiw, jumıslardı orınlaw) yamasa satıw yaki satıp alıw, sonday-aq, birden-bir operatorlıq xızmetlerin kórsetiw ushın tómendegiler tiykarında usınıs etilgen absolyut huqıq eksklyuzivlik huqıq sıpatında tán alınadı.
Nızamshılıq hújjetleri menen burınǵısınan basqasha túrde berilgen ruqsat (huqıq), ulıwma tártipten tısqarı túrde berilgen jeke tártiptegi licenziya (ruqsatnama).
Onda tańlaw (tender) tiykarında usınıs etilgen licenziyalar (ruqsatnamalar) eksklyuzivlik huqıq sıpatında tán alınbaydı .
2025-jıl 1-aprelden eksklyuziv huqıq xojalıq júrgiziwshi subyektlerge nızamlar hám Prezident párman hám qararları menen 3 jıldan aslam bolmaǵan múddetke tek konstituciyalıq strutkturanı, xalıqtıń densawlıǵı, Ózbekstannıń qorǵanıw qábiletin, mámleketlik hám jámiyetlik qáwipsizlikti hám jámiyetlik tártipti támiyinlew ushın beriledi.
Sonday-aq, tábiyǵıy apatshılıqlar, hádiyseler hám epidemiyalardıń aldın alıw hám olardı sapalastırıw ushın beriledi.
Pármanǵa muwapıq, 2025-jıl 1-aprelden tómendegi xojalıq júrgiziwshi subyektlerdiń jumıs baǵdarları boyınsha eksklyuziv huqıqları biykar etiledi.
– «Ózbekekspertiza» AJ hám onıń aymaqlıq bólimleriniń sırt el investiciyaları qatnasıwındaǵı kárxanalar tárepinen óziniń óndiris mútájlikleri ushın alıp kelinip atırǵan múlkke sertifikat beriw boyınsha;
– «ÓzInjiniring» joybar institutınıń investiciya joybarlarınıń joybar aldı hám joybar hújjetlerin islep shıǵıw boyınsha;
– «Milliy PR -orayı»MUKtıń Ózbekstan turizm potencialın úgit-násiyatlawǵa baǵdarlanǵan sırt elli kompaniyalardıń prodyuserlik hám reklama xızmetlerine, sırt elli teleradiokompaniyalar hám basqa ǵalaba xabar qurallarınıń reklamaları, reportajları hám basqa roliklerin tayarlaw hám translyaciya etiw boyınsha;
– «Sag agro MTP»JShJnıń ǵoza islep shıǵarıwshılarǵa agrotexnikalıq ilajlardı ámelge asırıw boyınsha mexanizaciya xızmetlerin kórsetiw boyınsha;
– «Ózbekstan standartlar institutı» mámleketlik mákemeniń milliy standartlardı shártnama tiykarında basqa tillerge awdarıw boyınsha.
«Turizm xızmetlerin sertifikatlaw orayı» MUKtiń turoperator, jaylastırıw quralları, taw lıjası trassaları hám plyajlar xızmetlerin sertifikatlastırıw, olarǵa kategoriya beriw, sonday-aq, sertfikatlastırılǵan xızmetlerdiń standartlastırıw boyınsha normativlik hújjetler talaplarına muwapıqlıǵı ústinen inspekciya qadaǵalawın ótkeriw wazıypası Turizm komitetine ótkeriledi.

Sh.Mamaturopova, ÓzA