Ózbekstan Respublikası Prezidenti Shavkat Mirziyoev Rossiya Federaciyası Húkimeti Baslıǵınıń orınbasarı Marat Xusnullin basshılıǵındaǵı delegaciyanı qabıl etti.

Ushırasıw aldında joqarı mártebeli miyman mámleketimiz basshısına Rossiya Federaciyası Prezidenti Vladimir Putin hám Húkimeti Baslıǵı Mixail Mishustinniń sálemi hám eń jaqsı tileklerin jetkerdi.
Rossiya jetekshisiniń ótken jıl may ayındaǵı Ózbekstanǵa mámleketlik saparı dawamında erisilgen kelisimlerdi ámelge asırıw sheńberinde óz-ara paydalı ámeliy birge islesiwdi, sonıń ishinde, qurılıs tarmaǵında hám aymaqlardı rawajlandırıw tarawında keńeytiw máseleleri kórip shıǵıldı.
Qurılıs tarawında keń kólemli kooperaciyanı rawajlandırıwǵa ayrıqsha itibar qaratıldı. Eki mámleket shólkemleri hám kompaniyalarınıń qatnasıwında aymaqlardı sociallıq-ekonomikalıq rawajlandırıw baǵdarlamaları sheńberinde infrastruktura obyektlerin joybarlastırıw hám qurıw, qurılıs materialları hám úskeneler jetkerip beriw usınday joybarlardıń qatarına kiredi.
Úlesli qurılıs, joybarlastırıw, ekspertiza, sanlastırıw hám mámleketlik satıp alıwlardı ámelge asırıw boyınsha tájiriybe almasıwdı dawam ettiriw áhmiyetli ekenligi atap ótildi.

ÓzA