Qazaqstanda neft ónimleriniń eksportına qoyılǵan sheklewdi altı ay múddetke sozdırıw usınıs etilmekte.

Bul baǵdarda mámlekettiń tiyisli ministrlik hám uyımları birgeliktegi buyrıq joybarın islep shıqqan.

Hújjet joybarına bola, bul ilaj janılǵı-maylaw materiallarınıń eksportı ústinen qadaǵalawdı kúsheytiw hám Rossiya aldındaǵı janılǵı reeksportın qadaǵan etiw boyınsha minnetlemelerdiń orınlanıwına qaratılǵan.

Hújjette atap ótiliwinshe, házirgi waqıtta mámlekette xalıqtıń arasında eń ótimli bolǵan AI-92 benzini hám dizel janılǵısınan paydalanıw ózine tán bolmaǵan túrde artıp barmaqta.

Huqıq qorǵaw uyımlarınıń maǵlıwmatlarına bola, neft ónimleri menen baylanıslı «jasırın biznes»tiń aylıq kólemi 10 mıńnan 45 mıń tonnaǵa shekem jetedi. Bul bolsa tikkeley Qazaqstanǵa qońsı mámleketlerdegi benzin hám dizel janılǵısınıń joqarı bahaları menen baylanıslı.

Esletip ótemiz, burınıraq Qazaqstan húkimeti 2025-jıl 1-fevraldan 2025-jıl 29-martqa shekem mine, usınday qadaǵan etiwdi járiyalanǵan edi.

Qaraqalpaqstan xabar agentligi