Qırǵızstan parlamentiniń tiyisli komitetleri qırǵız-tájik shegarası haqqındaǵı kelisimdi maqulladı, dedi respublika nızamshılıq assambleyası baspasóz xızmetiniń wákili jurnalistlerge.

Komitetler Bishkek hám Dushanbe arasında Qırǵızstan-Tájikstan mámleketlik shegarası, eki mámleket arasında avtomobil jolların qurıw hám jollardan paydalanıw, Ministrler Kabinetleri arasında suw xojalıǵı hám energetika obyektlerinen paydalanıwdı támiyinlew haqqındaǵı kelisimler joybarın kórip shıqqan hám maqullaǵan.
Bul eki qońsı mámleket arasındaǵı mıń kilometrlik shegara waqtı-waqtı menen jergilikli xalıq hám shegarashılar qatnasıwındaǵı awır tartıslı aymaqqa aylanıp qalǵan edi. Oǵan ayırım aymaqlar delimitaciyalanbaǵanı, shegara sızıǵın anıqlaw imkaniyatınıń joq ekenligi sebep bolǵan.
Ótken juma kúni Bishkekte bolıp ótken sóylesiw sońında Qırǵızstan hám Tájikstan delegaciyaları óz-ara shegaranı delimitaciyalaw boyınsha juwmaqlawshı protokolǵa qol qoydı.

ÓzA