Ózbekstan elshisi Ravshan Usmonov Britaniya Parlamenti Jámiyetshilik palatasınıń aǵzası, burınǵı ilim, texnologiya hám innovaciya ministriniń orınbasarı Jorj Friman menen sóylesiw ótkerdi.
Britaniya tárepi Jańa Ózbekstanda ámelge asırılıp atırǵan keń kólemli reformalar, atap aytqanda, sońǵı jılları siyasiy, sociallıq-ekonomikalıq hám mádeniy tarawda erisilgen jetiskenliklerimiz benen tanıstırıldı.
Deputat úlkemizde júz berip atırǵan jańalanıw hám ózgerislerdi unamlı bahalap, rásmiy London Tashkent penen barlıq tarawda baylanıslardı keńeytiwden mápdarlıǵın atap ótti.
Sóylesiw dawamında birge islesiw kólemin jáne de keńeytiw, atap aytqanda, Parlamenttiń jańa aǵzaları menen múnásibet ornatıw haqqında pikir alıstı.
Jorj Friman ilim hám innovaciya tarawındaǵı óz-ara baylanıslardıń ayrıqsha áhmiyetine itibar qaratıp, usı baǵdarda jańa joybarlardı islep shıǵıw hám ámeliyatqa qollanıwda ámeliy járdem kórsetiwge tayar ekenligin tastıyıqladı.
Ushırasıwda jasalma intellekt, «jasıl ekonomika» hám «aqıllı» qala baǵdarlarında Patshalıq tájiriybesinen paydalanıp, birgeliktegi ilimiy hám innovaciyalıq joybarlardı birgelikte ámelge asırıw da dodalandı.
Sóylesiw sońında eki mámleket arasındaǵı birge islesiwdi jáne de keńeytiw ushın imkaniyattı júzege shıǵarıw boyınsha ámeliy sóylesiwdi dawam ettiriwge kelisildi.

ÓzA