Qıtay Xalıq Respublikası Baslıǵı Si Czinpin Rossiya Federaciyası jetekshisi menen telefon arqalı sáwbetin túsindirip, sonıń ishinde bılay degen:

– Prezident Vladimir Putin menen virtual ushırasıwda biz 2025-jıl Qıtay – Rossiya qatnasıqlarınıń ósim pátlerin dodalap, kóplegen iri xalıqaralıq hám regionallıq mashqalalar boyınsha kóz-qaraslarımızdı muwapıqlastırǵan edik. Mámleketlerimizdiń wákillikli uyımları hár qıylı tarawlarda birge islesiwdi izbe-iz rawajlandırıw boyınsha ulıwma túsiniklerimizdiń tiykarında jumıs alıp bardı. Tariyx ta, reallıq ta mámleketlerimiz jaqın qońsı bolıp qalıw, birin-biri qollap-quwatlaw arqalı ulıwma rawajlanıwǵa umtılıp atırǵan haqıyqıy dos ekeninen derek beredi. Kúshli ishki háreketleniwshi kúshten ilham alatuǵın óz-ara qatnasıqlarımız sheksiz strategiyalıq áhmiyetke iye. Bul hesh qanday úshinshi shaxs yamasa tárepke qaratılmaǵan, sırtqı tásirge baylanıslı emes. Hár eki mámleket uzaq múddetli rawajlanıw strategiyası hám sırtqı siyasatqa iye. Xalıqaralıq jaǵday qalay ózgermesin, qatnasıqlarımız usı pátte rawajlanıp, mámleketlerimizdiń tiyisli rawajlanıwı hám janlanıwına úles qosadı, xalıqaralıq qatnasıqlarǵa turaqlılıq baǵıshlap, unamlı tásir etedi.
Óz gezeginde, Putin de RF Qıtay menen qarım-qatnasqa ayrıqsha áhmiyet beretuǵının bildirip, kelesi jılı da Rossiya tárepi joqarı dárejedegi almasıwlardı dawam ettiriw, ámeliy birge islesiwdi tereńlestiriwde záberdes kúsh sıpatında birge háreket etetuǵının atap ótti.
Rossiya hám AQSh qatnasıǵı, Ukraina menen júzege kelgen krizis boyınsha Moskvanıń bekkem poziciyasına toqtap ótip, Putin RF keskinliktiń tiykarǵı sebeplerin saplastırıw, turaqlı hám uzaq múddetli tınıshlıq rejimine erisiw tárepdarı ekenine itibar qarattı.
Ulıwma, tárepler hár qıylı jollar menen baylanıs hám muwapıqlastırıwdı dawam ettiriwge kelisip aldı.

ÓzA