Keshe «Ózbekneftgaz» AJ hám AQShtıń iri neft servis kompaniyalarınan biri – «Halliburton» wákilleri arasında jumısshı ushırasıw bolıp óti.

Onda tárepler neft hám gaz kánlerinde zamanagóy texnologiyalardı engiziw hám qazıp alıw nátiyjeliligin arttırıw máselelerin dodaladı.
Atap ótilgenindey, «Halliburton» kompaniyası AQShtıń Texas shtatı Xyuston qalasında jaylasqan bolıp, dúnyadaǵı eń iri neft servis korporaciyalarınıń qatarına kiredi. Kompaniya uglevodlar shiyki zatın izlew, burawlaw hám qazıp alıw, sonday-aq, kánlerdi ózlestiriw nátiyjeliligin arttırıw boyınsha aldıńǵı texnologiyalardı usınadı.
Sóylesiwlerde tiykarǵı itibar Ózbekstanda gaz kánlerin izlew hám qazıp alıw processinde jańa texnologiyalardı engiziwge qaratıldı. Sonıń ishinde, seysmikalıq izlew, geologiyalıq-geofizikalıq tallaw hám sanlı modellestiriw usılların engiziw imkaniyatları kórip shıǵıldı.
Sonday-aq, qayta tiklew qıyın bolǵan rezervlerdi ózlestiriw, qudıqlardı burawlaw hám juwmaqlaw texnologiyalardı jetilistiriw boyınsha birge islesiwdi keńeytiw máseleleri dodalandı. Bul qatnas Ózbekstanda uglevodorod resurslarınan ele de nátiyjeli paydalanıw imkaniyatın beredi.
Ushırasıwda «Halliburton» kompaniyası óz texnologiyaların Ózbekstanda jergiliklilestiriw perspektivaların dodaladı. Sonday-aq, neft-gaz sanaatı ushın qánigeler tayarlaw, oqıw baǵdarlamalları hám qospa joybarlardı ámelge asırıw boyınsha usınıslar bildirildi.
Jámiyettiń málimleme xızmetine bola, tárepler birge islesiwdiń áhmiyetli baǵdarların belgilep, birliktegi joybarlardı ámelge asırıw ushın «Jol kartası»ni islep shıǵıwǵa kelisip aldı.

N.Ziyodullaeva,
ÓzA