Taw-kán sanaatı hám geologiya ministrliginde Chexiyanıń Ózbekstandaǵı Ayrıqsha hám tolıq huqıqlı elshisi Lyubomir Frebort basshılıǵındaǵı delegaciya menen ushırasıw bolıp ótti.
Sóylesiwler barısında eki mámleket arasında kánshilik hám geologiya tarawlarındaǵı birge islesiwdi rawajlandırıw máseleleri dodalandı. Tárepler óndiris quwatlıqların arttırıw hám jańa texnologiyalardı engiziw boyınsha birliktegi joybarlardı ámelge asırıw áhmiyetliligi atap ótildi.
Sonday-aq, lokalizaciyalaw baǵdarlamaları sheńberinde Chexiya kompaniyaları menen birgelikte zamanagóy úskeneler islep shıǵarıw máselelerine ayrıqsha itibar qaratıldı. Bul baǵdarda tájiriybe hám innovaciya almasıw imkaniyatları dodalandı.
Ushırasıwda chex kompaniyaları Ózbekstandaǵı kánshilik tarawına investiciya kirgiziwden mápdar ekenin bildirdi. Usı múnásibet penen perspektivalı joybarlardı ámelge asırıw boyınsha usınıslar ortaǵa taslandı.
Tárepler óz-ara birge ilsesiwdi bunnan bılay da rawajlandırıw hám keleshekte jańa kelisimlerge qol qoyıw boyınsha kelisip aldı.

N.Ziyodullaeva, ÓzA