Ministrler Kabinetiniń «Ózbekstan Respublikası Húkimetiniń ayırım qararlarına pedagoglardı attestaciyadan ótkeriw, kásiplik sertifikatlaw hám xoshametlew sistemasın jetilistiriwge qaratılǵan ózgeris hám qosımshalar kirgiziw haqqında»ǵı qararı qabıl etildi.

Qararǵa muwapıq, ministr qorınan hár aylıq ústeme alıw ushın talabanlar dizimi aldınǵıday aymaqlıq keńesler usınısı tiykarında qáliplestrilmeydi. Sınaqlarda barlıq sabaq oqıtıwshıları qatnasıwı múmkin. Aldın MBSh tárbiyashıları ústeme alıwǵa dawagerlik ete almaytuǵın edi, endi olar da sınaqlarda qatnasıp ústeme alıwı múmkin.
Pedagog kadrlarǵa tarif stavkalarınıń ámeldegi muǵdarlarına 70 procent muǵdarda qosımsha haqı tóleniwiniń tártibi tastıyıqlandı. Oǵan bola, mamanlıq kategoriya test sınaqlarında qatnasıp, (eki basqıshta), joqarı hám birinshi maman kategoriyasına erisken (yamasa saqlanǵan) hám 86 onnan joqarı ball toplaǵan pedagoglarǵa beriledi.
Endi Bilim hám mamanlıqlardı bahalaw agentligi tárepinen beriletuǵın ulıwma bilimlendiriw sabaǵın biliw dárejesi haqqında sertifikatqa iye bolǵan pedagoglarǵa gezektegi májbúriy attestaciyanıń birinshi basqıshı (qánigelik sabaǵı hám kásip standartı) boyınsha qánige sınaǵınan azat etiledi.

M.Toshqoroeva, ÓzA