Puqaralardıń hújdan erkinligin támiyinlew hám diniy tarawdaǵı mámleketlik siyasat koncepciyası tastıyıqlandı.
«Ózbekstan Respublikasında puqaralardıń hújdan erkinligin támiyinlew hám diniy tarawdaǵı mámleketlik siyasat koncepciyasın tastıyıqlaw haqqında»ǵı Nızam (ÓRN-1037-sanlı, 25.02.2025-j.) qabıllandı.

Nızamǵa bola, Ózbekstan Respublikasında puqaralardıń hújdan erkinligin támiyinlew hám diniy tarawdaǵı mámleketlik siyasat koncepciyası tastıyıqlandı.
Koncepciya hújdan erkinligine bolǵan huqıqtı hám Ózbekstan Respublikası dúnyalıq mámleket ekenligine baylanıslı qaǵıydalardı júzege shıǵarıw hám diniy tarawdaǵı mámleketlik siyasattıń maqseti, wazıypaları, principlerin hám tiykarǵı baǵdarların belgileydi.
Koncepciya mámleketshiligimiz rawajlanıwınıń bay milliy-tariyxıy tájiriybesine hám ulıwma insanıylıq qádiriyatlarǵa súyengen halda islep shıǵılǵan bolıp, kóp milletli hám kóp konfessiyalı Ózbekstanda ulıwma jámiyettiń máplerin júzege shıǵarıw, demokratiya, dúnyalıq, erkinlik, teńlik, sociallıq ádalat hám tatıwlıq tiykarında óz-ara tatıwlıqta jasaw hám izbe-iz rawajlanıw ushın zárúr turaqlı ortalıqtı támiyinlewge qaratılǵan.
Ózbekstanda diniy tarawdaǵı mámleketlik siyasattıń maqseti puqaralardıń hújdan erkinligine bolǵan huqıqların ámelge asırıw ushın teń sharayatlar jaratıwdan, hár qıylı dinlerge tiyisli diniy shólkemler arasında óz-ara kelisim hám húrmet ornatılıwına járdemlesiwden, konfessiyalararalıq tatıwlıqtı bekkemlewden ibarat, jámiyette diniy keńpeyillik hám dúnyalılıqtı támiyinlewden ibarat, delinedi túsindiriwde.
Nızam rásmiy járiyalanǵan kúnnen baslap kúshke kiredi.

Qaraqalpaqstan xabar agentligi