Sanlı texnologiyalar ministrligi hám IT Park Uzbekistan tárepinen «Offshore Outsourcing Conference» xalıqaralıq konferenciyası shólkemlestirildi.

Ilaj Ózbekstannan IT –xızmetlerdi jksport etiw hám turaqlı global IT- autsorsing ekosistemasın jaratıw boyınsha jańa imkaniyatlardı dodalaw maqsetinde shólkemlestirildi. Konferenciya 250 kompaniyadan 280 nen aslam miymanlar, sonıń ishinde, xalıqaralıq hám jergilikli IT-korporaciyalardıń wákilleri hám taraw ekspertlerin birlestirdi.
Qatnasıwshılar professional sáwbeti, tájiriybe almasıw hám jańa biznes sheriklerdi tabıw ushın imkaniyatqa iye boldı.
Ilajdıń tiykarǵı ózgesheliklerinen biri dúnya IT –sanaatınıń jetekshi wákilleri menen qatnasıqlar ornatıw, global bazarlarǵa shıǵıw ushın jańa birge islesiwshiler hám tutınıwshılardı izlep tabıwdan ibarat.
Bunnan tısqarı, qatnasıwshılar Ózbekstanda xalıqaralıq biznes ushın jaratılǵan imkaniyatlar menen tanıstı.
Ilajda sanlı texnologiyalar ministri Sherzod Shermatov qatnastı.
– Prezidentimiz tárepinen 2017-jılı Ózbekstandı IT –xabqa aylandırıw boyınsha uzaqtı gózlep joqarı maqset qoyılǵan edi. Ózbekstanda sırt elli kapital qatnasıwındaǵı IT – kompaniyalardıń sanı onnan da az edi. Házirgi kúnge kelip bolsa hár ayda 30ǵa shamalas sırt elli IT – kompaniyalar elimizde óz jumısın baslamaqta, – dedi ministr.
IT Park Uzbekistannıń xalıqaralıq birge islesiw ushın usınıs etetuǵın imkaniyatları, sonday-aq, sanaattı rawajlandırıwda mádeniyat hám innovaciyalardıń ornı dodalaw temasına aylandı.
Ilajda IT Park qánigeleri aymaqlarda IT –infrastrukturanı rawajlandırıw, rezidentlerdi qollap-quwatlaw, biznesti dizimnen ótkeriw hám mámlekettiń miynet nızamshılıǵı haqqında maǵlıwmatlar berdi.

N.Rahmanova, ÓzA