Nókis qalasında voleybol boyınsha 17 jastaǵı jaslar arasında Qaraqalpaqstan chempionatı bolıp ótti.

Chempionatqa respublikamızdıń barlıq qala hám rayonlarınan komandalar qatnasıp jeńimpazlıq ushın bellesti.
Qızǵın bellesiwlerge bay bolǵan jarıs juwmaǵında, jigitler arasında barlıq qarsılasların jeńip shıǵıwǵa miyasar bolǵan Nókis olimpiya hám paralimpiya sport túrlerine tayarlaw orayı komandası birinshi, Ámiwdárya rayonı komandası ekinshi hám beruniyli jaslar úshinshi orındı iyelewge eristi.
Al, qızlar arasında bolsa, Nókis qalasındaǵı 1-sanlı sport mektebiniń komandası birinshi orındı jeńip aldı.
Chempionattıń sıylı ekinshi hám úshinshi orınları bolsa, respublikalıq sporttıń oyın túrleri hám jeńil atletika sport túrlerine tayarlaw orayı hám Qaraózek rayonı komandaları iyelewge eristi.
Jarıs juwmaǵında jeńimpaz komandalar shólkemlestiriwshiler tárepinen tayarlanǵan diplom hám medallar menen sıylıqlandı.

Qaraqalpaqstan xabar agentligi