Keshe «Asia Trans Gas» juwapkershiligi sheklengen jámiyeti (JShJ) qospa kárxanası shólkemlestiriwshileri – «Ózbekneftgaz» akcionerlik jámiyeti hám Qıtaydıń «Trans-Asia Gas Pipeline Co. Ltd» kompaniyası basshıları arasında sóylesiwler bolıp ótti.

Ushırasıwda tárepler «Asia Trans Gas» JShJ qospa kárxanasınıń jumısı eki mámleket arasındaǵı bekkem birge islesiwdiń ámeliy kórinisi ekenin atap ótti.
Sóylesiw dawamında qospa kárxananıń keyingi jıllardaǵı jumısı, erisilgen nátiyjeler hám bıyılǵı tiykarǵı wazıypalar dodalandı.
«Trans-Asia Gas Pipeline Co. Ltd» kompaniyasınıń basqarma baslıǵı qospa kárxananıń jumısın bunnan bılay da nátiyjeli shólkemlestiriw, 2025-jılı qárejetlerdi únemlew hám biznes rejeni qayta kórip shıǵıw boyınsha usınıs bildirdi.
Bul usınıs jámiyet basshılıǵı tárepinen maqullandı.
Ushırasıw juwmaǵında dodalanǵan máseleler boyınsha shólkemlestiriwshilerdiń protokolı tastıyıqlandı hám onda qospa kárxana aldında turǵan anıq wazıypalar belgileniwine kelisip alındı.
Jámiyettiń málimleme xızmetine bola, tárepler keleshekte birgeliktegi joybarlardı tallaw hám rawajlandırıw maqsetinde Qıtaydıń neft-gaz tarawındaǵı jetekshi kompaniyalarınıń basshıları menen sóylesiwlerdi dawam ettiredi.

N.Ziyodullaeva,
ÓzAnıń xabarshısı