Hár bir millettiń óziniń milliy taǵamları, úrp-ádetleri keleshek áwladlarımız ushın miyras bolıp kiyatır.
Hár jılı Respublikamızda 25-fevral kúni milliy taǵamlarımızdan «Júweri gúrtik kúni» keń túrde belgilenbekte.

Qaraózek rayonında da, milliy taǵamımız «Júweri gúrtik» ti tayarlawda, aymaqtaǵı 13 máhálleniń hayal-qızları belsene qatnastı.
Bayramǵa qatnasıwshılardı rayon hákimi A. Baymuratov hám sektor basshıları qızǵın qutlıqlap, tayarlanǵan taǵamlardan dám tattı.
Sonday-aq, bayramda qaraqalpaq xalqınıń milliy taǵamları, yoshlı qosıqları, qol ónerleri de orın alǵan.
Oshaqta pisirilgen bawırsaq, quwırılǵan balıq, súzbe, súmelek, júweri gúrtik sıyaqlı milliy taǵamlar bárshe qatnasıwshılarda joqarı keypiyat oyattı.
Bayram ilajı yoshlı qosıqlar menen dawam etti.

Qaraqalpaqstan xabar agentligi