Usı jıldıń 31-mart kúni Tájikstannıń Xojand qalasında Qırǵızstan, Tájikstan hám Ózbekstan basshılarınıń birinshi úsh tárepleme sammiti bolıp ótedi.

Bul haqqında Qırǵızstan Bas ministriniń orınbasarı Edil Baysalov Jenevada BMSh Insan huqıqları boyınsha keńesiniń 58-sessiyası sheńberinde shıǵıp sóylegen sózinde málim etken.
Onıń sózlerine qaraǵanda, sammit regionallıq birge islesiwdi bekkemlewde áhmiyetli qádem boladı.
Esletip ótemiz, Ózbekstan hám Tájikstan tárepiniń rásmiy adamları házirshe bul sammit tuwralı maǵlıwmat bergeni joq.

Qaraqalpaqstan xabar agentligi