Qıtaydıń «Alibaba Group» internet-kompaniyası jasalma intellekt ushın apparat infrastrukturasın jaratıwǵa 380 milliard yuannan (shama menen 53 milliard dollar) kóbirek investiciya kirgizedi, dep xabar tarqattı «sinxua» málimleme agentligi.
Qıtaydıń «Penpay» basılımı «Alibaba»nıń bul investiciyası mámleket jeke menshik kárxanalarınıń jasalma intellekt infrastrukturasın jaratıwǵa kirgizgen investiciyaları kólemi boyınsha rekord ekenin atap ótti.
Basılımnıń jazıwınsha, «Alibaba»nıń investiciya boyınsha qararı eki áhmiyetli faktor tiykarında qabıl etilgen. Olardan biri Qıtayda jasalma intellekt sanaatı júdá tez pátlerde ósip atırǵan bolsa, ekinshisi fevralda bolıp ótken húkimet wákilleri, sonıń ishinde, QXR Baslıǵı Si Czinpin hám mámlekettiń iri jeke menshik kompaniyaları basshıları qatnasqan jeke isbilermenlikti rawajlandırıw boyınsha ánjumanı esaplanadı.
Yanvar ayınıń aqırında, «Alibaba Cloud» jańa jasalma intellekt tili «Qwen 2.5-Max» modelin usındı, qollanba avtorlarınıń atap ótiwinshe, bul model imkaniyatları boyınsha «DeepSeek» kompaniyasınıń modelinen ústin turadı.

S.Rahimov, ÓzA