Prezidentimizdiń 2025-jıl 21-fevraldaǵı «Turaq jay hám ipoteka bazarın jáne de rawajlandırıwǵa baylanıslı qosımsha ilajlar haqqında»ǵı pármanı menen usı jılı ipoteka kreditleri boyınsha subsidiyalar tólewdiń maqsetli kórsetkishleri tastıyıqlanǵan bolıp, ipoteka kreditleri boyınsha subsidiyalar sanı ótken jılǵıǵa qaraǵanda 1,5 esege arttırıldı hám baǵdarlama sheńberinde 30 000 talanbanǵa ipoteka kreditleri boyınsha subsidiyalar ajıratıw belgilenbekte.

Ipoteka kreditleri boyınsha subsidiyalar tólewdiń tastıyıqlanǵan maqsetli kórsetkishleri sheńberinde arzalardı 3-mart kúni saat 09:00den baslap jiberiw múmkin. Bul haqqında Еkonomika hám qarjı ministrligi ÓzAǵa xabar berdi.
Arzalardı Mámleketlik xızmetler orayları yamasa Birden-bir portal (my.gov.uz) arqalı tapsırıw múmkin. Onda arza beriwshiniń qálewi menen dáramatlarınıń esap-sanaǵına jaqın aǵayinleriniń de dáramatları kirgiziliwi múmkin.
Sonday-aq, arza iyesi yamasa onıń ómirlik joldasınıń (sonıń ishinde kepil sıpatında keltirgen jaqın tuwısqanları) ortasha dáramatı tómendegishe bolıwı kerek. Qaraqalpaqstan Respublikası hám wálayatlarda – miynetke haqı tólewdiń eń az muǵdarınıń 2,7 esesinen 8 esesine shekem (házir 3,11 mln. – 9,24 mln.sum).
Tashkent qalasında – miynetke haqı tólewdiń eń az muǵdarınıń 2,7 – 9,2 esesi (házirgi waqıtta 3,11 mln.sum – 10,62 mln.sum).

Sh.Mamaturopova, ÓzA