ONA málimleme agentligi Ózbekstannan bir topar isbilermen hayal-qızlar kásiplesleri menen qarım-qatnasıqlardı jaqsılawǵa Oman Sultanlıǵına baratuǵını haqqında xabar berdi.

Mámleketimiz Sawda-sanaat palatası baslıǵınıń orınbasarı Nodira Shotursunova basshılıǵındaǵı delegaciyamız quramınan kóshpes múlk, dizayn, elektrotexnika, toqımashılıq, jeke menshik bilimlendiriw, medicina, eksport-import tarawlarında jumıs alıp barıp atırǵan jigirmaǵa shamalas isbilermen hayal-qızlar, rásmiy hám jeke menshik sektor wákilleri orın alǵan.
Respublikamızdıń Omandaǵı Ayrıqsha hám tolıq huqıqlı elshisi Abdusalom Hotamov bul missiya hár qıylı tarawlar, atap aytqanda ekonomikalıq hám mádeniy baylanıslardı rawajlandırıw maqsetinde ámelge asırılıp atırǵanın atap ótip, sapardıń rejesi álle qashan tayarlanǵanın atap ótti.
Elshiniń bildiriwinshe, baǵdarlamaǵa toqımashılıq sanaatınıń wákilleri hám dizaynerler tárepinen shólkemlestiriletuǵın moda kórgizbesi, Maskat qalasında ózbek kesteshilik ónermentleri tárepinen ámelge asırılatuǵın sheberlik sabaqları da kirgizilgen.
Sonday-aq, Ózbekstan hám Oman isbilermen hayal-qızlarınıń qatnasıwındaǵı biznes-forumda ekonomikalıq hám investiciyalıq birge islesiw máselesi dodalanadı.

Muharrama Pirmatova,
ÓzAnıń xabarshısı