2025-jıldıń 24-fevral kúni Senat Baslıǵı Tanzila Norboeva Koreya Еksport-import bankiniń Ózbekstandaǵı wákilxanasınıń basshısı Kang Sanjin menen ushırastı.

Ushırasıwda Qubla Koreya hám Ózbekstan arasında bekkem doslıq baylanıslarınıń rawajlanıp atırǵanlıǵı ayrıqsha atap ótildi.
Tárepler eki mámlekettiń barlıq baǵdarlardaǵı birge islesiwi, ásirese, bilimlendiriw hám densawlıqtı saqlaw tarawlarındaǵı birgeliktegi joybarlar unamlı nátiyjeler berip atırǵanı boyınsha pikir alıstı.
Bunnan tısqarı, Ózbekstanda hayal-qızlar isbilermenligin rawajlandırıwǵa qaratılǵan baǵdarlamanı ámelge asırıwda Koreya Еksport-import banki menen birge islesiwdi dawam ettiriw máselesi dodalandı.
Bul boyınsha tájiriybe almasıw hám jańa joybarlardı islep shıǵıwǵa itibar qaratıldı. Kang Sanjchjin bul joybarlarǵa zárúr járdem kórsetiwge hám Ózbekstanda isbilermenlik ortalıǵın rawajlandırıwǵa qaratılǵan baslamalarda qatnasıwǵa tayar ekenligin bildirdi.

Qaraqalpaqstan xabar agentligi