Qaraqalpaqstan Respublikası Densawlıqtı saqlaw ministrligi xalıqaralıq birge islesiwlerdi keńnen jolǵa qoyıw maqsetinde, usı jıldıń ózinde bir qansha mámleketler menen birge islesiw boyınsha kelisimge eristi.

Densawlıqtı saqlaw ministri M.Qurbanov Kuveyt mámleketiniń jetekshi medicina klinikalarınıń wákilleri menen ushırastı.
Ushırasıw barısında kelgen miymanlar Kuveyt mámleketiniń jetekshi medicina klinikaları wákilleriniń Qaraqalpaqstan Respublikasına keliwi rejelestirilip atırǵanlıǵı, usı ilajlarda bir qatar baǵdarlar boyınsha nawqaslarǵa joqarı texnologiyalıq medicinalıq járdem kórsetiletuǵını aytıp ótildi.
Sonday-aq, dodalaw dawamında sırt elden kelgen qánigelerge barlıq sharayatlar jaratılıwı boyınsha kelisip alındı.

Qaraqalpaqstan xabar agentligi.