Evropa Awqamı ulıwmalıq mápti qorǵawda bunnan bılay AQShqa súyenbey, kerisinshe, qáwipsizlikti támiyinlew juwapkershiligin óz qolına alıwı zárúr. Bul mazmundaǵı bildiriw Evroparlament iri frakciyaları tárepinen Ar-Riyodta alıp barılǵan AQSh – Rossiya sóylesiwine múnásibet bolıp tabıladı.

– Sońǵı waqıyalar, atap aytqanda keshe Saudiya Arabstanında AQSh həm Rossiya Federaciyası wákilleri arasında bolıp ótken dəslepki kelisim tiykarında siyasiy ózgerisler kórsetip atırǵanınday, EA endi aǵza məmleketlerdiń ulıwma qədiriyatı həm məpin qorǵaw ushın tolıq Amerika húkimetine súyenbewi, qorǵanıw, qáwipsizlik məselelerin ellerimiz óz moynına alıwı kerek,- delinedi bildiriwde. – Mısalı, əskeriy qarjını kóbeytiw həm muwapıqlastırıw boyınsha qıstawlı sharalar kóriw zərúr.

Qaraqalpaqstan xabar agentligi