Futbol boyınsha Evropa chempionlar ligasınıń 1/8 final basqıshına shek taslaw máresimi bolıp ótti.
Oǵan bola, Angliyanıń «Aston Villa» klubı Belgiyanıń «Bryugge», Dortmundtıń «Borussiya»sı Franciyanıń «Lill», Niderlandiyanıń «PSV» komandası Londonnıń «Arsenal», Rotterdamnıń «Feyenoord»ı Italiyanıń «Inter», Franciyanıń «PSJ» klubı Angliyanıń «Liverpul», Portugaliyanıń «Benfika»sı Ispaniyanıń «Barselona» klubları menen oynaytuǵın boldı.
Sonday-aq, 1/8 final basqıshında Ispaniya hám Germaniya klubları bir-birine qarsı oynaydı. Atap aytqanda, «Atletiko Madrid» «Real Madrid»ke, «Bayer» «Bavariya»ǵa qarsı maydanǵa túsedi.
1/8 finaldıń dáslepki oyınları 4-5-mart, juwap oyınları bolsa, 11-12-mart kúnleri bolıp ótedi.

Adilbay Orazov,
Qaraqalpaqstan xabar agentligi sholıwshısı