Hújjet penen, bir bankte bir amanatshıǵa tólenetuǵın kompensaciya muǵdarları belgilendi.
Usı jılı 18-fevral kúni «Banklerdegi amanatlardı qorǵaw kepillikleri haqqında»ǵı ÓRN-1031-sanlı nızam qabıl etildi.

Nızam fizikalıq táreplerdiń, sonıń ishinde, jeke tártiptegi isbilermenlerdiń, sonday-aq, yuridikalıq táreplerdiń banklerdegi amanatların kepillew tarawındaǵı qatnasıqlardı tártipke saladı.
Amanatlardı kepilliklew agentligi banklerdegi amanatlardıń qorǵalıwın kepilliklew tarawındaǵı wákillikli uyım bolıp esaplanadı.
Amanatlardı kepillew sisteması kepillew hádiysesi payda bolǵanda Agentlik tárepinen amanatshılarǵa kompensaciyalardı tólew arqalı amanatshılardıń huqıqların hám nızamlı máplerin mámleket tárepinen qorǵawǵa qaratılǵan ilajlar kompleksi bolıp esaplanadı.
Bank, mikroqarjı banki hám nızamshılıqqa muwapıq shólkemlestirilgen aralıq bank licenziya berilgen waqıttan baslap kepillew sistemasınıń qatnasıwshısına aylanadı.
Bir bankte bir amanatshıǵa tólenetuǵın kompensaciya tómenedegi muǵdardı quraydı:
kepillew obyekti qaldıǵınıń tolıq kólemin, eger onıń muǵdarı 200 million sum yamasa onnan az bolsa;
200 million sumdı, eger kepillew obyektiniń qaldıǵı 200 million sumnan kóp bolsa.
Agentlik saplastırıp atırǵan bank amanatshılarınıń keminde tórtten úsh bólegine kompensaciyalardı aldın alıw imkaniyatın tómendegi múddetlerde támiyinlewi shárt:
– 2025-jıl 1-yanvardan baslap – kepillew hádiysesi payda bolǵan sáneden baslap 20 jumıs kúni ishinde;
– 2026-jıl 1-yanvardan baslap – kepillew hádiysesi payda bolǵan sáneden baslap 15 jumıs kúni ishinde;
– 2027-jıl 1-yanvardan baslap – kepillew hádiysesi payda bolǵan sáneden baslap 7 jumıs kúninde.
Bul Nızam rásmiy járiyalanǵan kúnnen baslap kúshke kiredi.

Qaraqalpaqstan xabar agentligi