«Alkogol hám temeki bazarın tártipke salıw sistemasınıń jetilistiriliwi múnásibeti menen Ózbekstan Respublikasınıń ayırım nızam hújjetlerine ózgerisler hám qosımshalar kirgiziw haqqında»ǵı ǵı Nızam qabıl etildi.

Usı Nızam menen «Mámleketlik bajı haqqında»ǵı hám «Licenziyalaw, ruqsat beriw hám xabardar etiw tártip-qaǵıydaları haqqında»ǵı nızamlarǵa Alkogol hám temeki bazarın tártipke salıw inspekciyasınıń tutınıw hám texnikalıq etil spirti, alkogol hám temeki ónimlerin islep shıǵarıw hám olardıń kótere sawda tarawında licenziyalaw hám xabardar etiw tártip-qaǵıydalarına, sonday-aq, olardıń kótere sawdasına baylanıslı talaplarǵa ámel etiliwi ústinen qadaǵalawdı ámelge asıratuǵın wákillikli mámleketlik uyım sıpatındaǵı wákilliklerin anıqlastıratuǵın ózgerisler kirgizilmekte.
Bunnan tısqarı «Mámleketlik bajı haqqında»ǵı Nızamda tutınıw hám texnikalıq etil spirti, alkogol ónimlerin islep shıǵarıwǵa, sonday-aq alkogol ónimleriniń kótere sawdasına baylanıslı jumısqa berilgen licenziya ushın jıllıq mámleketlik bajı tólew múddeti belgilenbekte.
Onda gezektegi jıllıq tólew licenziyadan paydalanıwdıń keyingi jılı baslanǵanınan keminde 30 kún aldın tólenedi, keyingi tólew belgilengen múddette tólenbegen jaǵdayda, licenziyanıń ámel etiwi toqtap turıladı.
Sonday-aq, «Alkogol hám temeki ónimleriniń tarqatılıwın hám paydalanılıwın sheklew haqqında»ǵı Nızamǵa pivo hám pivo ishimlikleriniń kótere sawdasına baylanıslı, sonday-aq, temeki ónimleriniń kótere hám usaqlap satıw sawdasına baylanıslı jumıs wákillikli mámleketlik uyımǵa bunday jumıs baslanıwı haqqında xabarnama jiberiw jolı menen ámelge asırılıwı múmkin ekenligin názerde tutatuǵın norma kirgizilmekte.

ÓzA