David Kotariya Gruziyanıń Ózbekstandaǵı jańa elshisi etip tayınlandı. Bul haqqında Sırtqı isler ministri B.Saidov óziniń Telegram kanalında xabar berdi.

Oǵan bola, David Kotaria 19-fevral kúni Ózbekstan SIM basshısına isenim jarlıǵınıń nusqaların tapsırǵan.
«Mámleketlerimiz arasında eki tárepleme baylanıslardı keńeytiw jolların dodalap, birge islesiwdiń tiykarǵı baǵdarların belgilep aldıq», dep jazadı B.Saidov.
Sonday-aq, ministr Sırtqı isler ministrligi elshini Ózbekstanda nátiyjeli diplomatiyalıq missiyasın ámelge asırıwda hár tárepleme qollap-quwatlawǵa tayar ekenin atap ótken.

Qaraqalpaqstan xabar agentligi