Qaraózek rayonında awıl xojalıǵı máselelerine arnalǵan májilis bolıp ótti.

Onda Qaraqalpaqstan Respublikası Ministrler Keńesi Baslıǵınıń orınbasarı Sh.Teshaev, rayon hákimi A.Baymuratov, taraw wákilleri hám fermerler qatnastı.
Májiliste Ózbekstan Respublikası Prezidentiniń 2024-jıl 30-dekabrdegi «Awıl xojalıǵı maydanlarındaǵı qosımsha imkaniyatlardan paydalanǵan halda ónim jetistiriwdi kóbeytiwge baylanıslı ilajlar haqqında»ǵı qararınıń orınlanıwında belgilengen wazıypalar menen birge, awıl xojalıǵı tarawın rawajlandırıw boyınsha ámelge asırılıp atırǵan reformalardıń áhmiyeti atap ótildi.
Ilajda 2025-jıldıń zúrááti ushın egislik maydanlardı shúdigarlaw, aǵın suwdan nátiyjeli paydalanıw, jerlerdiń shorın juwıw, ǵálle tárbiyası hám agrotexnikalıq ilajlardı óz waqtında shólkemlestiriw boyınsha wazıypalar belgilenip, kórsetpeler berildi.

Adilbay Orazov,
Qaraqalpaqstan xabar agentligi sholıwshısı