Awıl xojalıǵı ministrliginde ministrlik juwapkerleri hám Ispaniyanıń Ózbekstandaǵı elshisi Rikardo Martinez Vaskes arasında ushırasıw bolıp ótti.

Sóylesiw waqtında eki tárepleme birge islesiwdi rawajlandırıw, jańa joybarlardı qollanıw hám awıl xojalıǵı tarawında tájiriybe almasıw máseleleri dodalandı. Atap aytqanda, import-eksport kólemin arttırıw, studentler almasıwı, agrar isbilermenler arasında birge islesiwdi jolǵa qoyıw boyınsha ámelge asırılıp atırǵan jumıslar tallandı.

Sonday-aq, awıl xojalıǵı qánigelerin oqıtıw, seminar-treningler shólkemlestiriw hám taraw boyınsha innovaciyalıq qatnaslardı engiziw zárúr ekenligi atap ótildi. Bunnan tısqarı, awıl xojalıǵı kórgizbelerin shólkemlestiriw hám olarǵa Ózbekstan hám Ispaniya isbilermen toparların tartıw máselelerine ayrıqsha itibar qaratıldı.

Ushırasıw sońında birge islesiwdi jedellestiriwge, dodalanǵan joybar hám baslamalardı ámelge asırıw boyınsha birgeliktegi ilajlar rejesin islep shıǵıwǵa kelisildi.

M,Toshqoraeva, ÓzA